Títol
Comença amb F.
Lema
Corda vocal = Estri per penjar consellers.
Poema model
Ballade [des dames du temps jadis]
Dites-moy où, n’en quel pays,
Est Flora la belle Romaine,
Archipiadès ne Thaÿs,
Qui fut sa cousine germaine,
Echo parlant quand bruyt on maine
Dessus riviere ou sur estan,
Qui beaulté ot trop plus qu’umaine.
Mais où sont les neiges d’anten?
Où est la tressaige Esloÿs,
Pour qui chastre [fut] et puis moyne
Piere Esbaillard à Saint-Denys?
Pour son amour eust ceste essoyne !
Semblablement, où est la royne
Qui commanda que Buriden
Fut gecté en ung sac en Saine?
Mais où sont les neiges d’anten?
La Royne blanche comme liz
Qui chantoit à voix de seraine,
Berte au plat pié, Bietrix, Aliz,
Haranburgis qui tint le Maine,
Et Jehanne, la bonne Lorraine,
Qu’Engloys brulerent à Rouen,
Où sont ilz, où, Vierge souv(e)raine?
Mais où sont les neiges d’antan?
Prince, n’enquerrez de sepmaine
Où elles sont, ne de cest an,
Qu’à ce reffraing ne vous remaine:
Mais où sont les neiges d’anten?
François Villon
Edició consultada:
Balades del (gran) testament.
Les Balades. Traducció, introducció i notes d’Andreu Subirats.
Barcelona, Labreu, 2010.
Ballade des dames du temps jadis
la bassa de les oques 